Julian Alvarez është në qendër të spekulimeve të merkatos së verës, me raportime të fundit që thonë se argjentinasi është objektivi i vërtetë për të cilin Florentino Perez do të bëjë një ofertë prej 150 milionë eurosh. Hipotezën e nxori Sky Sports, çka solli reagimin e përfaqësuesve të futbollistit; sipas 365Scores, ata tentuan të qartësonin situatën për të frenuar spekulimet.
Agjenti i Alvarez, Fernando Hidalgo, u pyet nëse kishte kontakte apo bisedime me Realin e Madridit, ndërsa zhurma mediatike për të ardhmen e sulmuesit rritej. Hidalgo mohoi çdo lëvizje nga të dyja palët dhe deklaroi se nuk kishte informacion dhe askush nuk kishte hyrë në kontakt me ta: “Julian, blerja ‘galaktike’ e Realit të Madridit? Nuk kemi asnjë informacion në lidhje me këtë dhe askush nuk ka hyrë në kontakt me ne,” tha ai.
Interesi i mundshëm i Realit bashkohet me atë të Paris Saint-Germain, duke krijuar një pengesë të re për Barcelonën, e cila e ka monitoruar me kujdes situatën e sulmuesit dhe e konsideron Alvarez një prej objektivave kryesorë në merkato për të përforcuar repartin e avancuar pas largimit të Leëandoëskit. Barcelona e ka çështjen të hapur, por e kushtëzon çdo lëvizje me disa faktorë të rëndësishëm.
Megjithë dëshirën e Julian për t’u transferuar te blaugranat, Atletico Madrid vazhdon të mbajë qëndrim të fortë dhe nuk e lehtëson largimin e futbollistit. Klubi madrilen pritet të pranojë vetëm një ofertë të lartë për të lejuar largimin, duke vënë kështu kushtin kryesor për çdo negociatë. Për shkak të kësaj pozite të Atletico-s dhe interesit nga klube të mëdha të tjerë, Barcelona ka zgjedhur të qëndrojë në pritje dhe të vlerësojë se si do të evoluojë merkatoja dhe lëvizjet e palëve të përfshira.
