Federata Zvicerane e Futbollit përballet me një situatë të pazakontë dhe alarmante, pasi pranë qendrës stërvitore janë konstatuar gjarpërinj helmues, çka ka kthyer ambientin e stërvitjes në zonë rreziku. Zyrtarët e delegacionit zviceran shfaqën shqetësim të madh dhe nisën menjëherë kërkime për një zgjidhje të shpejtë, duke vënë theksin te siguria e futbollistëve dhe e stafit teknik.
Për shkak të kërcënimit, udhëheqësit e federatës po konsiderojnë një vendim drastik: braktisjen e menjëhershme të kampit dhe zhvendosjen në një tjetër seli stërvitore. Në orët e fundit po zhvillohet një garë me kohën për të gjetur një alternativë të sigurt për akomodim, ndërsa stafi menaxhues vlerëson disa opsione të ndryshme. Frika nga ndonjë incident i mundshëm me zvarranikët helmues ka krijuar ankth te vetë lojtarët gjatë seancave stërvitore, duke vështirësuar përqendrimin dhe rrjedhën normale të përgatitjeve.
“Në kushte të tilla nuk mund të flitet për futboll. Siguria e jetës vjen para çdo plani taktik apo stërvitjeje,” mësohet të ketë thënë një nga zyrtarët e federatës. Në vijim mbetet për t’u parë nëse autoritetet lokale do të arrijnë të pastrojnë dhe të sigurojnë perimetrin e qendrës stërvitore në kohë rekord, çka do të lejonte vazhdimin e kampit, apo nëse zviceranët do të paketojnë valixhet dhe do të zhvendosen brenda ditës.
Ngjarja ka thyer ritmin e përgatitjeve të kombëtares, dhe në rrethana emergjente lëvizja drejt një vendi më të sigurt shihet si opsioni më logjik. Federata po përballet me vendimin e menjëhershëm mes pritjes se ndërhyrjes së shpejtë të autoriteteve për të pastruar dhe siguruar zonën, dhe nevojës për të garantuar sigurimin e menjëhershëm të lojtarëve dhe stafit me zhvendosje në një ambiente të reja stërvitore.
