Ish futbollisti i Liverpoolit, Kenny Dalglish, 75 vjeç, bëri të ditur në mënyrë të pavullnetshme në rrjetet sociale se po kurohet nga kanceri. Dalglish dëshironte ta mbante lajmin për vete, por u detyrua ta konfirmonte pas shpërndarjes së informacionit në rrjete sociale. Ai shkroi: “Aktualisht po ndjek një trajtim kundër kancerit. Ndryshe nga përdorimi im i telefonit, kurat po shkojnë mirë,” duke kërkuar më pas respekt për privatësinë e tij dhe të familjes dhe duke falënderuar personelin mjekësor për kujdesin.
I lindur në 1951, Dalglish ishte një nga figurat kryesore të futbollit në vitet ’70 dhe ’80, veçanërisht për Celtic dhe Liverpool. Me skuadrën e Liverpoolit ai ka fituar Kupën e Kampionesh dhe gjashtë tituj kampion të Anglisë. Pas karrierës si lojtar, u ul në stolin e Liverpoolit si trajner në periudhën 1985–1991 dhe më pas sërish në sezonin 2011–12.
Klubi i Liverpool reagoi në rrjetet sociale duke shprehur mbështetjen e tij për legjendën e klubit: “Ke mbështetjen dhe ngrohtësinë tonë, Sir Kenny.”
Lajmi për Dalglish vjen pak ditë pasi një tjetër ikonë e Liverpool, Kevin Keegan, bëri të ditur publikisht se kanceri i diagnostikuar në janar është në stadin e katërt, niveli më i avancuar. Në tekst njoftohet se Dalglish kërkoi respekt për privatësinë e familjes së tij ndërsa falënderoi personelin mjekësor për trajtimin që po merr.
