Klevis Balliu, gjatë fjalës në Kuvendin Kombëtar të Partisë Demokratike, deklaroi se Shqipëria po përballet me një situatë të rëndë për demokracinë dhe shtetin e së drejtës, duke akuzuar qeverinë për kapjen e institucioneve dhe përqendrimin e pushtetit. Ai tha se institucionet që duhet të garantojnë lirinë, demokracinë dhe kontrollin ndaj pushtetit janë vënë nën ndikimin e qeverisë, ndërsa i vetmi institucion që mbetet i pacapitur është ai i protestës dhe reagimit qytetar.
Balliu theksoi se kjo gjendje bën Kuvendin Kombëtar një moment jetik për bashkimin e demokratëve dhe të gjithë qytetarëve që kërkojnë ndryshim, në përballjen me atë që e quajti “narkoshteti i Edi Ramës”. Sipas tij, mbledhja e partisë ka rëndësi thelbësore për të mobilizuar forcat opozitare dhe qytetarët që kundërshtojnë sundimin e pushtetit të kapur.
Duke folur për situatën ekonomike, Balliu lidhja të krimit me pushtetin dhe pastrimi i parave në sektorin e ndërtimit kanë sjellë një fenomen të ri social, të cilin e përshkroi si “brezi pa shtëpi”. Ai deklaroi se mijëra të rinj shqiptarë nuk kanë më mundësi të blejnë një banesë në vendin e tyre, për shkak të rritjes artificiale të çmimeve dhe deformimit të tregut nga paratë e krimit. Sipas tij, këto praktika kanë përjashtuar të rinjtë nga mundësia për të ndërtuar jetën e tyre në vendin e origjinës.
Balliu theksoi se korrupsioni, krimi i organizuar dhe pastrimi i parave kanë shkaktuar përjashtimin e brezit të ri nga prona banimi dhe perspektivat familjare. Ai përsëriti angazhimin e Partisë Demokratike për të vijuar betejën kundër këtyre fenomeneve dhe për të luftuar shpopullimin e vendit.
Në përmbyllje, Balliu shprehu bindjen se opozita do të fitojë këtë përballje për të mbrojtur familjen shqiptare, demokracinë dhe të ardhmen e Shqipërisë, duke deklaruar: “Ne do ta fitojmë këtë betejë. Do ta fitojmë për familjen shqiptare, për të rinjtë tanë dhe për Shqipërinë.”
