Memorandumi i mirëkuptimit që po negociohet midis Iranit dhe Shteteve të Bashkuara parashikon tërheqjen e forcave ushtarake amerikane nga afërsia e Iranit dhe heqjen e bllokadës së porteve iraniane, sipas një raporti në televizionin shtetëror iranian. Raporti thotë se, “Në këmbim, Irani është zotuar të rivendosë numrin e anijeve tregtare që kalojnë nëpër Ngushticën e Hormuzit në nivelet e para luftës brenda një muaji”.
IRIB, transmetuesi shtetëror iranian, njoftoi se menaxhimi dhe rruga e trafikut detar përmes ngushticës do të kontrollohet nga Irani në bashkëpunim me Omanin, ndërsa anijet ushtarake përjashtohen nga kjo marrëveshje. Raporti përmend se IRIB konsiderohet i udhëhequr nga elementë të vijës së ashpër në regjimin iranian.
Sipas raportit, korniza e marrëveshjes nuk është finalizuar dhe Teherani nuk do të ndërmarrë asnjë hap pa “verifikim të prekshëm”. Negociatat përshkruhen si dinamikë, me palët “duke rafinuar formulimin e draftit të tekstit” dhe duke ecur përpara e pas; kështu, çështjet mbeten në proces dhe nuk ka vendime të përftuara përfundimisht.
Raporti shton gjithashtu se nëse arrihet një marrëveshje përfundimtare brenda 60 ditëve, memorandumi do të miratohet në formën e një rezolute të detyrueshme të Këshillit të Sigurimit të Kombeve të Bashkuara. Nuk ka pasur asnjë koment nga autoritetet e Shteteve të Bashkuara mbi njoftimin e transmetuesit iranian.
Dokumenti i negociuar shihet si një udhërrëfyes për bisedimet e mëtejshme mbi tema kyçe si programi bërthamor i Iranit dhe sanksionet ndërkombëtare kundër tij. Mediot raportojnë se negociatat po zhvillohen me ndërmjetësimin e Pakistanit. Për momentin, përmbajtja e memorandumit mbetet në draft dhe çdo hap zyrtar nga Teherani do të varet nga verifikime të mëtejshme dhe dakordësitë e arritura gjatë negociatave.
