Këtë të hënë Silvio Baldini do të njoftojë zyrtarisht emrat e futbollistëve të grumbulluar për ndeshjet miqësore të Italisë ndaj Luksemburgut dhe Greqisë në qershor, takime që do të shërbejnë për renditjen në FIFA dhe për shortin e ardhshëm. Trajneri ka vendosur të thërrasë shumë elementë nga ekipi U21 i “Të Kaltërve”, ndërsa pritet të ketë pak emra shumë të njohur në lista.
Nga futbollistët e famshëm kombëtarë në përbërje do të jenë kapiteni Donnarumma, Pisilli, Esposito dhe Palestra. Pjesa tjetër e listës përbëhet kryesisht nga emra të rinj, përfshirë 18-vjeçarin Samuele Inacio Pia, që ka rinovuar me Borussia Dortmund dhe është në skuadrën U19.
Baldini dyshohet se do të aplikojë skemën 4-3-3, me praninë e Chiarodia (i federuar me Moenchengladbach), Ahanor (Atalanta), Bartesaghi dhe Ndour (përkatësisht te Milan e Fiorentina). Përpara ka hapësira për Luca Koleosho. Sipas La Gazzetta Dello Sport, në listën prej 24–26 lojtarësh pritet të jenë edhe emra të tjerë si Palmisani, Kayode, Comuzzo, Reggiani, Lipani, Ekhator, Venturino dhe Casadei.
Midis emrave më pak të njohur që përmenden janë Mane (mbrojtës i Borussia Dortmund), Dagasso (Venezia), Berti (Cesena), Prati (Torino), Faticanti (Juve Next Gen, Serie C) dhe Cacciamani, pronë e Torinos. Baldini mund të thërrasë gjithashtu Seydou Fini të Genoas dhe Luigi Cherubini të Romës.
Përzgjedhjet e shumta dhe prezenca e shumë të rinjve shkaktuan reagime nga Greqia, e cila i cilësoi zgjedhjet si eksperimentale. Si përgjigje, shefi i delegacionit të Italisë, Giancarlo Antognoni, deklaroi: “Nuk ka asnjë mungesë respekti, do të jetë një Itali e re dhe e fortë.” Top Channel.
