Sot u mbajt mbledhja e qeverisë ku u morën disa vendime, dhe para mediave u shfaqën ministrat Petrit Malaj dhe Ena Karakaçi. Petrit Malaj njoftoi ndryshime në dizajnin dhe teknologjinë e pullave fiskale, duke theksuar rritjen e elementeve të sigurisë për të ulur mundësinë e falsifikimit. Ai bëri me dije se do të vendoset edhe teknologjia e gjurmimit në pullat fiskale, si dhe do të përfshihet barkodi që do t’u mundësojë konsumatorëve informacion të duhur rreth produktit. Malaj tha se prej më shumë se një viti këto pulla prodhohen nga një kompani shtetërore dhe se propozimet janë në linjë me përafrimin me standardet e Bashkimit Evropian.
Nga ana e tij, Ministri i Infrastrukturës dhe Energjisë, Enea Karakaçi, bëri të ditur miratimin e vendimit për subvencionimin e shoqërive të transportit publik. Ai sqaroi se masa subvencionuese për transportin qytetas do të jetë 50 lekë për litër dhe do të nisë në muajin mars, kur filluan efektet e krizës. Karakaçi përmendi rrugën Milot–Balldren si një aks shumë të rëndësishëm për zonën e veriut, duke nënvizuar vëmendjen maksimale dhe verifikimet që po kryhen; ai shprehu pritshmërinë që, siç ka konfirmuar, të shpallet shpejt fituesi për këtë projekt.
Sa i përket shqetësimeve mbi pagesën në autostrada, Karakaçi theksoi se ekziston edhe opsioni i përdorimit të rrugëve alternative pa pagesë. Sipas tij, në këtë kuadër qytetari “nuk humbet asgjë, por përfiton një mundësi për të shkuar më shpejt”. Lajmi përcillet nga Top Channel.
