Napoli, ndërsa është shumë pranë kualifikimit në Ligën e Kampioneve për sezonin e ardhshëm, po planifikon të ardhmen duke u fokusuar veçanërisht mbi fatin e trajnerit Antonio Conte. Sipas së përditshmes Il Mattino, Conte do të takohet së shpejti me presidentin Aurelio De Laurentiis për të vendosur rreth vazhdimësisë së tij te klubi.
Trajneri 56-vjeçar ka shfaqur disponueshmëri për të qëndruar edhe për një sezon të tretë në Napoli, por me kushtin që të mos ketë reduktime drastike brenda skuadrës. Conte është i bindur se me grupin aktual dhe pa revolucion të madh mund të arrihen suksese. Ai është i gatshëm të ndërmarrë masa të caktuara për të përshtatur strukturën financiare, përfshirë edhe mundësinë e shitjes së Lukakur si dhe një reduktim të kufirit të pagave. Ky reduktim, sipas trajnerit, duhet të jetë i ekuilibruar dhe nuk duhet të përfshijë largime të emrave të rëndësishëm.
Me këtë skenar kompromisi me De Laurentiis konsiderohet i mundshëm, duke pasur parasysh edhe interesin e klubeve të tjera për Conten. Për më tepër, pista e Kombëtares Italiane duket të jetë ftohur për trajnerin, gjë që mund të favorizojë një vazhdim të tij tek Napoli. Kontakti dhe negociatat pritet të qartësojnë nëse do të ekzistojë dakordësi mbi programin sportiv dhe parametrat ekonomikë të klubit.
Conte, që nuk preferon të punojë me një kontratë në skadencë, mund të kërkojë rinovim të kontratës në rast konfirmimi për sezonin tjetër. Nëse do të vijë konfirmimi, pritet mundësia e rinovimit deri në vitin 2028, me një modalitet që mund të përfshijë shpërndarjen e pagës prej 7.5 milionë euro. Nëse nuk arrihet marrëveshja për programet dhe kushtet e afruara, burimet theksojnë se nuk pritet një ndarje traumatike mes Conte dhe klubit.
