Presidenti i Këshillit të Europës, Antonio Costa, përkujtoi Ditën e Evropës duke e cilësuar si një festë të përbashkët për të gjithë qytetarët evropianë dhe u drejtua me një mesazh të veçantë ndaj qytetarëve shqiptarë. Në mesazhin e tij, Costa e quan Shqipërinë një anëtare në pritje të Bashkimit Evropian dhe thekson se e ardhmja e vendit është brenda BE-së, duke nënvizuar se po kryhet një punë e madhe për ta bërë këtë realitet: “Ne besojmë se e ardhmja juaj është në Bashkimin Evropian. Po bëhet një punë e madhe për ta bërë këtë realitet.”
Ai i përshëndeti shqiptarët si “anëtarë të ardhshëm të Bashkimit Evropian” dhe i ftoi të reflektojnë mbi projektin evropian, i lindur nga vendimi i anëtarëve themelues për t’i vënë unitetin mbi përçarjen dhe bashkëpunimin mbi konfliktin. Costa rikujtoi se ky projekt kishte për qëllim ndërtimin e një të ardhmeje paqeje, lirie dhe prosperiteti, si pasojë e përvojës dhe rrënimet e Luftës së Dytë Botërore.
Në mesazhin e tij u theksua se Shqipëria ka realizuar një përparim të konsiderueshëm me negociatat gjatë vitit të fundit, si dhe një thirrje e qartë për vazhdimin e reformave. Costa inkurajoi qytetarët shqiptarë që të vijojnë me vrullin e reformave, duke e paraqitur këtë si rrugën drejt integrimit të plotë në strukturat evropiane. Ai thekson se përmes përpjekjeve të përbashkëta do të ndërtohet një të ardhme evropiane e përbashkët.
Mesazhi përfundon me një thirrje drejt bashkimit dhe mbajtjes së vlerave të përbashkëta europiane, duke përmbyllur me urimin: “Së bashku, do të ndërtojmë një të ardhme të përbashkët evropiane. Rroftë Evropa!” Burimi i mesazhit është Top Channel.
