Sekretari i Shtetit të SHBA-së, Marco Rubio, takohet sot në Vatikan me Leonin e XIV në një përpjekje për të zbutur tensionet pas kritikave të përsëritura të Donald Trump ndaj papës së parë amerikan. Takimi vjen pas akuzave të presidentit, i cili e ka akuzuar Papën “për mbështetje të armatuarit bërthamor” dhe ka thënë se po vendos në rrezik shumë katolikë me qëndrimin e tij kundër luftës në Iran.
Përpara nisjes, kreu i diplomacisë amerikane u përpoq ta minimizonte krisjen e raporteve mes Trump dhe Papës Leoni, duke thënë për gazetarët se kritikat e fundit të presidentit lidhen thjesht me kundërshtimin e mundësisë që Irani të zotërojë armë atomike. Kjo deklaratë synon të paraqesë sulmet e presidentit si fokus të ngushtë mbi çështjen e armëve bërthamore, dhe jo si sulme të përgjithshme personale ndaj figurës papnore.
Sipas “The Guardian”, marrëdhëniet midis Vatikanit dhe Uashingtonit nuk kanë qenë kurrë kaq të tensionuara. Në muajin prill, Trump iu drejtua ashpër Papës duke e quajtur “të dobët përballë krimit” dhe “të tmerrshëm në politikën e jashtme”. Ai gjithashtu pretendoi se Leoni u zgjodh vetëm sepse Trump vetë ndodhej në Shtëpinë e Bardhë. Më vonë, Trump shpërndau një imazh të krijuar nga inteligjenca artificiale ku e paraqiste veten si Krishtin, të cilin më pas e fshiu.
Në kontekstin e këtyre sulmeve dhe tensioneve të vazhdueshme, qëllimi i mundshëm i vizitës së Rubios është të qetësojë situatën dhe të riparojë marrëdhëniet e cenuara. Përpjekja duket e dyfishtë: jo vetëm riparimi i marrëdhënieve mes SHBA-së dhe Vatikanit, por edhe rikthimi i një dialogu më të mirë me ekzekutivin italian në Romë. Takimi i sotëm në Vatikan shihet si një tentativë diplomatike për të adresuar pasojat e deklaratave publike dhe për të vënë në pikëpyetje mënyrën e menaxhimit të këtyre mosmarrëveshjeve në nivelin më të lartë të shtetit dhe të Kishës.
