Presidenti i FIFA-s, Gianni Infantino, u shpreh në Global Conference 2026 të Milken Institute se çmimet e larta të biletave të Botërorit pasqyrojnë thjesht kërkesën. Ai përmendi në mënyrë ironike një rast teorik: ‘Nëse dikush blen një biletë të finales së Botërorit për 2 milionë dollarë, në personalisht do i çoj hot dog dhe pijë që të sigurohem se ka një eksperiencë fantastike’. Me këtë deklaratë, Infantino synoi të mbrojë qasjen e FIFA-s ndaj politikës së çmimeve.
Çështja e çmimeve të biletave ka qenë prej kohësh e diskutuar në botën e futbollit, por është intensifikuar kohët e fundit në Evropë. Football Supporters Europe, një organizatë jofitimprurëse që përfaqëson interesat e tifozëve, ka tentuar të paraqesë ankim në Komisionin Evropian, duke përshkruar politikën e çmimeve të FIFA-s si “zhvatëse” dhe si një “lloj tradhtie”. Këto reagime reflektojnë pakënaqësi të forta dhe polemika të vazhdueshme rreth mënyrës se si caktohen tarifat për biletat e turneut më të madh të futbollit.
Infantino argumentoi se FIFA vepron sipas mekanizmave të tregut, duke vënë në dukje se çmimet e larta janë një rezultat i kërkesës së madhe. Siç tha ai: ‘Duhet të shohim merkaton; veprojmë në merkaton e argëtimit më të zhvilluar në botë-tha Infantino-kështu që duher të aplikojmë tarifat e merkatos’. Sipas presidentit të FIFA-s, organizmi ka marrë mbi 500 milionë kërkesa për bileta për Botërorin e ardhshëm, shifër që përdoret për të justifikuar politikën e çmimeve.
Si referencë, gjatë periudhës së parë të shitjes së biletave për Botërorin 2022, që zgjati rreth 20 ditë, FIFA kishte bërë publike se kishte marrë 17 milionë kërkesa për bileta. Qëndrimi i organizatave të tifozëve dhe shifrat e paraqitura nga FIFA vazhdojnë të ushqejnë debat publik dhe polemika rreth qasjes ndaj çmimeve për evenimentin. Top Channel.
