Manchester City u ndal në barazim 3-3 në shtëpi ndaj Everton, në një ndeshje ku Citizens kishin nevojë për fitore për t’u mbajtur pranë Arsenalit, por tani mbeten 5 pikë pas “Topçinjve”. Takimi prodhoi momente të forta emocionale dhe një skenë me arbitrin që bëri xhiron e rrjeteve sociale.
Tifozët vunë theksin te mbrojtja e skuadrës së Guardiolës, e cila u duk e shqetësuar gjatë ndeshjes. Goli i parë të Evertonit u shkaktua nga një gafë e Guehi, ndërsa goli i dytë u pa se pati edhe çfarë të bënte Donnarumma. Portieri italian, i cili pak më parë kishte reaguar shkëlqyer përballë Ndiaye, u ndërlikua në një dalje gjatë një goditjeje këndi që rezultoi me golin e O’Brien. Donnarumma tha se dalja e tij u kushtëzua nga një faull i kundërshtarëve.
Pas atë që ndodhi, Donnarumma protestoi me forcë dhe u ul në gjunjë përpara arbitrit Michael Oliver, i cili e ndëshkoi me karton të verdhë. Ky ishte kartoni i shtatë i verdhë për portierin, duke e bërë atë portierin me më shumë kartona të tillë në Evropë. Skena e konfrontimit dhe reagimi i portierit u përhapën shpejt në rrjetet sociale.
Në sekondat e fundit të ndeshjes Donnarumma shkoi në zonën kundërshtare gjatë rastit të golit të Doku. Pas përfundimit të takimit ai u përqafua nga Erling Haaland. Me ndeshjet e mbetura, Donnarumma ka objektiv të mos pësojë më gola në katër përballjet e ardhshme për të tentuar të ndajë me Raya çmimin “Golden Glove” që Premier League e jep për portierin me më shumë ndeshje pa pësuar gol.
