Inter është tashmë një hap larg fitimit të titullit të 21-të kampion të Italisë. Skuadra e drejtuar nga Cristian Chivu ka mundësinë ta sigurojë matematikisht scudetto-n mbrëmjen në San Siro, edhe me një barazim në ndeshjen ndaj Parmës.
Deri para përfundimit të javës së kampionateve ishin konsideruar disa skenarë të ndryshëm për mundësinë që Inter ta shpallte kampion pa zbritur në fushë. Një nga këto skenarë parashikonte që festa do të vinte automatikisht nëse Napoli do të humbiste në transfertë ndaj Comos dhe nëse Milan nuk do të fitonte ndaj Sassuolos. Me rënien e këtij skenari, mbetet të pritet rezultati i ndeshjes Inter–Parma për të mbyllur matematikisht garën për titull.
Kushti i parë nga skenarët alternativë u realizua, pasi sfida midis Comos dhe Napolit përfundoi në barazim 0-0. Si pasojë, Interit i mjafton një pikë në ndeshjen me Parmën për të siguruar matematikisht titullin e këtij sezoni. Me barazimin e Napolit, çdo rezultat në San Siro që prodhon të paktën një barazim ose fitore për Interin do të bëjë që diferenca në klasifikim të jetë e pakapërcyeshme për kundërshtarët e direktë.
Edhe në rast të një rezultati pozitiv për Milanin ndaj Sassuolos, diferenca që do të krijohet më tej nuk do të jetë e mjaftueshme për të ndryshuar rrjedhën e garës për titull. Kjo nënkupton se nëse Inter siguron të paktën një pikë kundër Parmës, ekipit zikaltrë do t’i duhet vetëm të konfirmojë matematikisht atë që deri tani ka dominuar në kampionat.
Për momentin, gjithë vëmendja mbetet te ndeshja në San Siro, ku një rezultat minimal për Interin do të nxiste festimet në Milano dhe do të vuloste titullin e sezonit për skuadrën e Cristian Chivu. Top Channel
