Mbrëmjen e kaluar, pas përfundimit të seancës së jashtëzakonshme për zgjedhjen e presidentit, kryetari i LDK, Lumir Abdixhiku, shfaqi një listë me 15 nënshkrime të deputetëve të partisë, duke garantuar 15 vota për kandidaturën e Vjosa Osmanit. Kryeministri Albin Kurti komentoi se lista ishte pa një emër konkret dhe pa qëllime të qarta, dhe u shpreh se u bë publike vonë në mbrëmje, rreth orës 23:00.
Kurti tha se Abdixhiku e kishte takuar disa herë, por sipas tij nuk kishte pasur propozime konkrete, vetëm refuzime. Ai deklaroi se kishte dhënë propozime të tij dhe se Abdixhiku i kishte refuzuar ato. Sipas Kurtit, letra me 15 nënshkrime mund t’i ishte ofruar Lëvizjes Vetëvendosje në mënyrë institucionale. Ai theksoi se rreth orës 11 të natës ishte shpërndarë një listë, por në të nuk ishte përmendur asnjë emër për kandidaturë, vetëm emrat e 15 deputetëve.
Kreu i VV-së nënvizoi se për një nismë të tillë letra duhet të ketë datën e ditës (28) dhe qëllim të qartë, dhe se mungesa e këtyre elementeve e bën të papërfunduar propozimin: “Duhej të ishte një listë për ndonjë debat parlamentar, për energjinë. Atje nuk thuhej që ato firma ishin për kandidatët e caktuar. Nëse kanë 15 nënshkrime, duhet të vijnë tek unë, letra duhet të jetë me datën e sotme, 28. Pra, duhet ta ketë qëllimin e qartë dhe të ketë datën e sotme, e jo t’ua sjellin juve. Presidenti nuk votohet në shoqatën e gazetarëve, por në seancë plenare”.
Kurti shtoi se nëse LDK dorëzon zyrtarisht 15 nënshkrime së bashku me emrin e kandidatit për president, ai do t’i kërkojë kandidatures Hatixhe Hoxha të tërhiqet, në mënyrë që të votohet më pas Feride Rushiti dhe kandidatura e LDK-së. Ai theksoi se lista me 15 veta tregonte që deputetët e LDK-së janë bashkë, por se nuk ishte sqaruar për çfarë qëllimi; sipas tij, 15 deputet mund të përbëjnë pjesë të një kandidature dhe duhet që LDK të paraqesë qartë emrin dhe qëllimin.
