Pas fitores së Nottingham 5-0 në fushën e Sunderland, Tottenham u paraqit në Molineux për ndeshjen me Wolverhampton me ndërgjegjen se nuk mund të bënte gabime në garën për mbijetesë në Premier League, veçanërisht duke pasur përballë një skuadër që është rënë tashmë në Championship. Klubi londinez synonte që t’i kthente fund thatësirës së rezultateve pozitive, pas një periudhe pa suksese që datonte që nga dhjetori i 2025.
Tottenham ia doli të marrë tri pikët në këtë përballje, duke shënuar fitoren e parë për vitin 2026 dhe duke i dhënë fund periudhës së gjatë pa fitore. Fati i ndeshjes u vendos në minutën e 82, kur Palhinhan shënoi golin e fitores për Hotspurs. Kjo fitore shënon gjithashtu fitoren e parë me De Zerbin në stol. Megjithatë, përkundër triumfit, pozicioni në tabelë mbetet problematik: Tottenham qëndron në vendin e 18 me 34 pikë, dy më pak se West Ham, i cili fitoi përballjen e tij ndaj Everton 2-1.
Fitorja pati edhe koston e saj: në minutën e 62, Xavi Simosn pësoi një ndrydhje jonatyrale në gju dhe u largua nga fusha e lojës me barelë. Gjendja e tij do të monitorohet vazhdimisht, duke qenë se po afrohet edhe Botërori i kësaj vere. Për momentin nuk jepen detaje shtesë mbi shkallën e dëmtimit apo kohën e rikuperimit, por klubi do të ndjekë situatën në ditët në vijim.
