Kosova nderoi akademik Rexhep Qosjen një ditë pas vdekjes së tij. Në Kuvendin e Kosovës u hap libri i zisë dhe në holl ai u nderua nga krerë shtetëror e liderë politik.
Gjovalin Shkurtaj e përshkroi Qosjen si simbol të gjuhës shqipe, strateg dhe atdhetar. Jeta dhe puna e akademikut u vlerësuan nga kolegët e tij në Akademinë e Shkencave dhe Arteve të Kosovës gjatë një mbledhjeje komemorative, ku u përmend kontributi i tij në fushën shkencore dhe kulturore.
Akademia e Shkencave të Shqipërisë gjithashtu nderoi kontributin e jashtëzakonshëm të Rexhep Qosjes dhe e vlerësoi zërin e tij të pashtershëm për identitetin kombëtar. Kryeministri i Kosovës, Albin Kurti, e kujtoi profesor Rexhep Qosjen si njeri me vlera.
Akademik Rexhep Qosja vdiq dhe u varros të enjten në moshën 89-vjeçare në një ceremoni të vogël familjare, sipas kërkesës që ai kishte bërë dhjetë vjet më parë. Si shenjë nderimi për jetën dhe veprën e tij, e premtja, 24 prilli, u shpall ditë zie në Kosovë.
