Armir Shahini, në një intervistë këtë të enjte në “Shqipëria Live”, foli gjatë për eksperiencën e tij në Big Brother dhe reagimet pas daljes nga shtëpia e programit. Ai tha se pas daljes, rrethi i afërt i familjes dhe i shoqërisë e pyet dhe i kërkon shpjegime për gjithçka që ndodhi gjatë garës. “Javën e fundit thash kur do dal, tani që dola them isha mirë aty. Kushdo që më takonte, nga rrethi im donte një shpjegim të gjërave të mia. Pyetja më e shpeshtë që më bëjnë është ‘ku e gjete gjithë atë durim’. Ose unë kam shumë durim, ose që të kesh durim është vlerë në shoqërie shqiptare”, tha ai.
Ai u ndal edhe te një episod që u përmend nga Ilir Vrenozi, i cili deklaroi se Miri e kishte kërcënuar. Shahini tha se nuk e ka parë vetë videon, por ia kanë dërguar shumë njerëz. Sipas tij, ky episod ka ndodhur para se të futeshin në regjistrim në post Big Brother. “Kam qenë me Monika Kryemadhi dhe Arbër Hajdarin, pyesni ata të thonë çfarë ka ndodhur. Nuk ka pasur asgjë mes nesh”, u shpreh ai.
Për pyetjen nëse Miri kishte bërë ndonjë gabim gjatë pjesëmarrjes në spektakël, Shahini tha se “Perfekt është vetëm Zoti. Disa gabime janë dhe pjesë e trysnisë dhe kur përballesh me uljen e dinjitetit, ku të dalin fjalë që në fjalorin tim jashtë nuk i kam”. Me këtë ai pranoi ekzistencën e gabimeve të mundshme, duke i lidhur me presionin brenda programit.
Shahini dha edhe një koment për raportin me Selin, duke thënë se e ka adhuruar për zgjuarsi dhe e ka dashur si njeri, “njësoj si vajzën time”. Sipas tij, nuk i pëlqente në “atë aspekt”, por kishte një ndjenjë njerëzore ndaj saj. Në intervistë, ai përmendi edhe reagimet e ndryshme që i kanë ardhur pas daljes dhe nevojën për shpjegime nga njerëzit e tij të afërt.
