Një denoncim i rëndë ka mbërritur në redaksinë e Timoni.al,ku një fermer nga Lushnja ngre alarmin për një skemë të dyshuar korruptive në ndarjen e fondeve për bujqësinë.
Në dëshminë e tij, fermeri tregon se ka aplikuar në vitin 2025 për të përfituar grant për ndërtimin e serrave, por në vend që të mbështetej nga shteti, ai është përballur me vonesa, sorollatje dhe kërkesa të përsëritura nga punonjësit e AZHBR.
“Që në fillim më sorollatën shumë, më lodhën me letra dhe pritje pa fund, sikur po kërkoja ndonjë favor dhe jo një të drejtë që më takon,” – shprehet ai.
Sipas denoncimit, situata ka marrë një drejtim edhe më të rëndë në momentin e disbursimit të fondeve. Fermerit i është kërkuar një shumë prej 50 milion lekësh cash, nga totali prej 250 milion lekësh që duhet të përfitojë.
“Më thanë hapur që pa i dhënë ato lekë nën dorë nuk kalon asgjë,” – deklaron fermeri, duke shtuar se kjo kërkesë, sipas tij, lidhet me emrin e Ardita Kuci dhe persona të ndërmjetëm.
Ndërkohë, fermeri thekson se serrat i ka ndërtuar me kredi dhe sot ndodhet në një situatë të rëndë financiare.
“Jam futur në borxhe deri në fyt. Ato lekë më duhen për të shlyer kredinë, por nuk mi japin sepse kërkojnë ryshfet. Nuk di çfarë të bëj më,” – thuhet në denoncim.
Ky rast ngre pikëpyetje serioze mbi mënyrën se si menaxhohen fondet publike në bujqësi dhe mbi presionin që, sipas denoncuesit, u bëhet fermerëve për të paguar ryshfet në këmbim të të drejtave të tyre.
Thirrja e fermerit është e qartë: Institucionet e drejtësisë, veçanërisht SPAK, duhet të hetojnë menjëherë këtë rast dhe të verifikojnë akuzat.
“Pa i dhënë ‘kafe’, nuk të japin asgjë,” – përfundon ai, në një dëshmi që pritet të sjellë reagim dhe hetim nga organet kompetente.
Lexo denoncimin e fermerit:👇
Pershendetje Timoni,
jam nje fermer nga Lushnja dhe po te shkruaj se pash lajmin qe kishit shkruar per Ardita Kucin dhe dua te bej nje denoncim se nuk mbahet me kjo gjendje.
kam aplikuar ne vitin 2025 per te perfituar grant per ndertimin e serrave. qe ne fillim me sorollaten shume, punonjesit e AZHBR-se me lodhen me letra me ardhur e me ikur, duke prit me ore te tera, sikur po kerkoja dicka personale dhe jo te drejten time.
ne fund kur erdhi puna per te marre leket qe me takonin, me thane qe duhet te jap 50 milion lek cash nga 250 milion qe do te perfitoja. pra pa i dhene ato leke nen dore nuk kalon asgje.
serat i kam ndertuar me kredi dhe jam futur ne borxhe deri ne fyt. po pres ato leke qe sipas ligjit me takojne qe te shlyej kredine por nuk mi japin sepse kerkojne 50 milion lek. keto leke i kerkon Ardita Kuci me sekseret e saj.
jam ne gjendje shume te veshtire, nuk di cfare te bej me. kjo eshte padrejtesi e madhe, ne vend qe shteti te na ndihmoje neve fermereve, na kerkojne ryshfet.
ju lutem publikojeni dhe denoncojeni kete rast se deri ketu ka arritur puna ne AZHBR. pa i dhene “kafe” nuk te japin asgje.
