Elche befasoi Atleticon në javën e 32-të të Ligës Spanjolle, duke fituar 3-2 në një ndeshje që Los Colchoneros e zhvilluan për pjesën më të madhe të kohës me 10 lojtarë. Ndeshja pati një fillim të favorshëm për Atletico-n që mori avantazhin në minutën e 10-të me golin e Nico Gonzales. Reagimi i Elches erdhi shpejt; në minutën e 18-të Affengruber barazoi rezultatin në 1-1.
Në minutën e 31-të u regjistrua ngjarja vendimtare e takimit, kur Thiago Almada u ndëshkua me karton të kuq dhe Atletico mbeti me një lojtar më pak. Vetëm dy minuta më pas, në minutën e 33-të, Andre Silva shënoi për Elchen dhe përmbysi rezultatin në 2-1. Avantazhi i Elches zgjati vetëm rreth një minutë, pasi Atletico, edhe në inferioritet numerik, barazoi shifrat në 2-2 me golin e dytë të Nico Gonzales, që kompletoi dygolëshin personal.
Me 15 minuta përpara përfundimit të takimit, Elche gjeti sërish golin vendimtar: Andre Silva shënoi përsëri, duke vulosur fitoren 3-2 dhe duke siguruar edhe ai dygolëshin personal. Kështu, ndeshja u mbyll 3-2 në favor të Elches, ndërkohë që Atletico e luajti pjesën më të madhe me një lojtar më pak për shkak të kartonit të kuq për Almadan.
Me këtë sukses Elche shkon në 35 pikë dhe zë vendin e 15-të në renditje, ndërsa Atletico mbetet me 57 pikë në vendin e katërt. Lajmi u shpërndarë nga Top Channel.
