Real Sociedad fitoi Kupën e Mbretit pas një finale epike me Atletico Madrid që u vendos në serinë e penalltive. Për klubi bask ky është trofeu i katërt dhe festa u përjetua gjerësisht në rajonin Baske; përveç kësaj, në SHBA festohej pasi trajneri i Sociedad, Pellegrino Matarazzo, u bë trajneri i parë i lindur në tokën amerikane që fiton një trofe në pesë ligat kryesore evropiane, megjithëse ai ka origjinë italiane.
Matarazzo, i lindur në 1977 në Wayne të New Jersey, u shndërrua nga një figurë e panjohur në një idhull për tifozët e San Sebastian, duke sjellë një trofe që skuadrës i mungonte që nga 2021, kur pandemia pengoi festimet kolektive. Fitimin e këtij trofeu skuadra ia kushtoi Aitor Zabaletës, tifozit të Sociedat që u vra në 1998 para një ndeshjeje me Atletico. Tradita e fortë futbollistike baske vazhdon të pasqyrohet te lojtarë si Xabi Prieto dhe kapiteni Oyarzabal, i cili zgjodhi të mbante fanellën me numër 10.
Në rrugëtimin për titull, Real Sociedad mposhti Athletic Bilbao në gjysmëfinale dhe më pas Atletico Madrid në finale me penallti. Vendimtar për fitore u tregua portieri Marrero, i zgjedhur nga Matarazzo para titullarit Remiro, i cili priti goditjet e Sorloth dhe Alvarez. Pas ndeshjes, Matarazzo tha se skuadra “nuk ishte perfekte, por ajo që kishte rëndësi ishte sjellja dhe përpjekja për të kontrolluar ndeshjen”, dhe u përpoq të merrte disa birra nga salla e konferencave për t’i ndarë me lojtarët.
Biografia e trajnerit tregon rrugë të ndryshme: pas lindjes në SHBA dhe pasionit të transmetuar nga babai nga Avellino, Matarazzo pati një provë te Salernitana dhe një periudhë të shkurtër te Nocerina, përpara se të kthehej në SHBA, ku diplomoi në matematikë në Columbia. Më vonë vazhdoi karrierën si futbollist në Gjermani dhe u transformua në trajner; në kursin për trajner ishte bashkë me Julian Nagelsmann dhe filloi në Hoffenheim si asistent i tij. Ai u kthye si trajner i parë te Hoffenheim në sezonet 2023 dhe 2024, kaloi në Stuttgart, dhe në dhjetor 2025 u emërua te Real Sociedad për të zëvendësuar Sergio Francisco. Nën drejtimin e tij skuadra kaloi nga pozicione pranë rënies drejt përpjekjes për vendin e pestë dhe triumfit në Kupën e Mbretit në Cartuja, Sevilla.
