Gjatë tubimit të zhvilluar më 17.04.2026, i organizuar nga subjekti politik Partia Demokratike, disa pjesëmarrës hodhën lëndë djegëse (molotovë) dhe lëndë piroteknike drejt godinës së Kryeministrisë dhe kundërshtuan punonjësit e Policisë së Shtetit. Shërbimet e Policisë ndërhynë dhe sekuestruan 45 molotovë, që disa protestues i kishin përgatitur për të vijuar sulmin ndaj punonjësve të Policisë dhe institucioneve shtetërore. Si pasojë e sulmeve, pesë punonjës policie u dëmtuan; ata morën mjekim në spital dhe ndodhen jashtë rrezikut për jetën.
Specialistët e Sektorit për Hetimin e Krimeve të Rënda në DVP Tiranë arrestuan në flagrancë 11 shtetas për veprime të dhunshme gjatë tubimit. Të arrestuarit janë: K. Ç., 38 vjeç; B. T., 29 vjeç; H. Sh., 30 vjeç; M. T., 50 vjeç; I. D., 18 vjeç; S. B., 25 vjeç; B. N., 42 vjeç; G. T., 48 vjeç; E. Sh., 37 vjeç; S. B., 55 vjeç; dhe E. K., 32 vjeç. Ata akuzohen për veprat penale “Goditje për shkak të detyrës”, “Prishja e qetësisë publike”, “Prodhimi dhe mbajtja pa leje e armëve dhe municioneve luftarake”, “Shkatërrimi i pronës me zjarr” dhe “Kundërshtimi i punonjësit të rendit publik”.
Po ashtu, nisi procedimi penal për 15 shtetas të tjerë. Në vijim të hetimeve, për veprën penale “Prishja e qetësisë publike” janë referuar shtetasit: A. T., 20 vjeç; A. C., 51 vjeç; A. R., 25 vjeç; N. M., 30 vjeç; R. N., 25 vjeç; Nj. S., 25 vjeç; E. N., 27 vjeç; D. K., 30 vjeç; E. B., 39 vjeç; A. Z., 20 vjeç; A. P., 20 vjeç; dhe dy shtetas të mitur, 16 vjeç dhe 17 vjeç.
Materialet procedurale iu referuan Prokurorisë së Tiranës, ku nisi procedimi penal edhe për shtetasin K. B., deputet, për veprën penale “Organizimi dhe pjesëmarrja në grumbullime dhe manifestime të paligjshme”, si dhe për shtetasin A. K., për veprën penale “Goditje për shkak të detyrës”. Grupi hetimor vijon punën për identifikimin e shtetasve të tjerë që mund të kenë kryer veprime të kundërligjshme gjatë tubimit.
