TIRANË– Prokuroria e Posaçme kundër Korrupsionit dhe Krimit të Organizuar, ka goditur një grup kriminal të trafikut të drogës. Mësohet se ai i cili drejtonte aktivitetin ishte i shumëkërkuari Jetmir Pepa (Marashi). Në kuadër të kësaj janë arrestuar Lulzim Pepaj, Florian Marku dhe Anton Kola, ndërsa vijon puna për lokalizimin e anëtarëve të tjerë, të cilët dyshohet se ndodhen jashtë vendit.
Operacioni është përqendruar në goditjen e linjës së trafikimit nga Amerika Latine drejt porteve të Roterdamit dhe Amsterdamit. SPAK ka sekuestruar 60 pasuri të paluajtshme të llojeve tokë arë, tokë truall, hotel, poste parkimi dhe apartamente, me vendndodhje në Tiranë, Kamëz, Lezhë, Shëngjin, Sarandë dhe Himarë.
Janë sekuesruar gjithashtu edhe 89 automjete të markave dhe llojeve të ndryshme dhe 72 llogari bankare që u përkasin personave të ndryshëm juridikë apo fizikë, si dhe shtetasve nën hetim, apo personave të lidhur me ta.
EMRAT E TË ARRESTUARVE
Lulzim Pepaj
Florian Marku
Anton Kola.
