Kalendari i javës së 32 të Kategorisë Superiore ka pësuar disa ndryshime. Federata Shqiptare e Futbollit njofton se derbi mes Dinamos dhe Tiranës, i parashikuar për t’u zhvilluar më 17 prill, është shtyrë për 18 prill. Kjo vendosje është bërë pas një kërkese nga Policia e Shtetit, lidhur me zhvillimin e një proteste të opozitës në të njëjtën datë.
Ndeshja mes Dinamos dhe Tiranës do të zhvillohet në orën 19:00 në Air Albania Stadium. Po në të njëjtën ditë, do të luhet edhe ndeshja mes Egnatias dhe Flamurtarit, e cila do të fillojë më herët, në orën 16:00.
Kalendari i plotë i javës 32 është si më poshtë:
– Vora-Vllaznia, 18.04.2026, ora 16:00
– Egnatia-Flamurtari, 18.04.2026, ora 16:00
– Teuta-Elbasani, 18.04.2026, ora 19:00
– Dinamo-Tirana, 18.04.2026, ora 19:00
– Partizani-Bylis, 19.04.2026, ora 19:00
