Herën e fundit që një pilote grua mori pjesë në një garë zyrtare të Botërorit të Formula 1 ishte në vitin 1992, kur Giovanna Amati garoi me një makinë Brabham në Çmimin e Madh të Afrikës së Jugut, Meksikë dhe Brazil. Pas 34 vjetësh, Doriane Pin do të ndërpresë këtë periudhë, duke marrë pjesë në një sesion testesh private me Mercedes.
Doriane, një pilote 22-vjeçare franceze, është pjesë e programit për të rinj të skuderisë gjermane dhe kampione e Formula 1 Academy. Ajo ka tërhequr vëmendjen e shumë konstruktorëve dhe është një nga piloteve vajza më të angazhuara në motorsportin evropian. Përveç marrëveshjes me Mercedes, Doriane ka një kontratë me Peugeot si zhvillues për programin ëEC dhe do të marrë pjesë në garën 24 Orë të Le Mans. E megjithatë, ëndrra e saj mbetet debuti në Botërorin e Formula 1.
Në një intervistë në podcastin ‘Beyond the Grid’, Doriane shpjegoi përvojën e saj në simulatorin e Mercedesit, duke e cilësuar atë si shumë realistik. Ajo shpreson të drejtojë një makinë të vërtetë këtë vit. Fakti që Mercedes e ka vendosur në simulator tregon besimin që kanë në të dhe në punën e saj. Megjithatë, kalimi në Formula 1 mbetet një sfidë e komplikuar. Doriane shprehet se objektivi i saj është të hyjë në Formula 1, dhe koha do të tregojë nëse do të arrijë këtë qëllim historik.
