U çel sot në Tiranë Samiti i IV i Diasporës, një ngjarje e rëndësishme kombëtare që mbledh shqiptarët nga e gjithë bota në një platformë bashkëpunimi, promovimi të identitetit dhe zhvillimi. Samiti do të zhvillohet në datat 13, 14 dhe 15 prill me logon “Përmes rrënjëve lartësohemi”.
Ky eveniment ka për qëllim forcimin e lidhjeve mes Shqipërisë dhe shqiptarëve që jetojnë jashtë saj, duke bashkuar përfaqësues të diasporës, institucioneve shtetërore, biznesit, akademisë dhe shoqërisë civile.
Fotot e shkrepura nga LSA tregojnë takime mes përfaqësuesve të diasporës dhe politikanëve shqiptarë, përfshirë një moment ku kreu i shtetit, Bajram Begaj, diskuton me kryeministrin Edi Rama.
