Një shpërthim i fuqishëm me tritol është regjistruar mëngjesin e sotëm të datës 13 prill, në zonën e Babrrusë në bashkinë Kamzë, duke shkaktuar panik te banorët e zonës. Sipas dëshmive të banorëve, shpërthimi është ndjerë në një perimetër të gjerë, ndërsa zhurma e fortë ka alarmuar të gjithë lagjen.
Burime nga vendngjarja bëjnë me dije se lënda plasëse tritol, dyshohet të jetë vendosur në ambientet e një biznesi në pronësi të vëllezërve Bulica nga Kukësi, konkretisht në një Bar-Cafe dhe gomisteri që ata administrojnë në këtë zonë.
Paraprakisht, pista kryesore e hetimit lidhet me një konflikt të mundshëm dhe larje hesapesh, megjithatë ende nuk ka një konfirmim zyrtar për motivet e kësaj ngjarjeje.
Deri në këto momente, policia nuk ka dalë me një njoftim zyrtar lidhur me shpërthimin. Banorët e zonës pretendojnë se autoritetet po e mbajnë të fshehtë ngjarjen për motive ende të paqarta, ndërsa kërkojnë transparencë dhe reagim nga institucionet.
