Pamjet e një biznesi në Lezhë, i shkatërruar nga shpërthimi i gazit, ilustrojnë rreziqet që lidhen me përdorimin e gazit të lëngshëm për ngrohje dhe gatim. Këto rreziqe mund të shmangen vetëm duke ndjekur protokollet e përcaktuara, pasi zjarret nga rrjedhja e gazit mund të përhapen shpejt dhe të kenë pasoja fatale.
Eksperti Shkëlqim Goxhaj thekson rëndësinë e përdorimit të bombolave të sigurta, duke paralajmëruar se ato nuk duhet të rimbushen në autogaz, pasi janë të destinuara për makina. Bombolat portokalli, të përdorura për kamping, gjithashtu nuk ofrojnë siguri dhe nuk duhet të rimbushen. Në biznese, gazi duhet të ruhet në depozita jashtë dhe larg ambienteve të punës, ndërsa ajrosja e ambienteve është një masë e domosdoshme para fillimit të çdo dite pune.
Për mbrojtjen nga shpërthimet e mundshme në banesa, Goxhaj rekomandon ajrosjen e menjëhershme të ambientit në rast të dyshimit për rrjedhje gazi dhe njoftimin e shërbimeve të emergjencës. Dedektorët e gazit mund të ndihmojnë në identifikimin e rrjedhjeve.
Sipas statistikave, numri i ngjarjeve të zjarreve të shkaktuara nga gazi në banesa dhe biznese ka pësuar rënie krahasuar me vite më parë, duke treguar një rritje të ndërgjegjësimit të qytetarëve për përdorimin e sigurt të gazit të lëngshëm.
