Një zjarr i fuqishëm ka shpërthyer në një apartament në pallatin shumëkatësh në lagjen ‘Xhevdet Nepravishta’, pranë spitalit të Lushnjes. Banorët e zonës, pasi kanë vënë re tym, kanë njoftuar menjëherë zjarrfikësit. Ndërhyrja e shpejtë e ekipit të zjarrfikësve ka bërë të mundur izolimin e flakëve në katin e tretë dhe parandalimin e përhapjes së zjarrit në apartamentet e tjera.
Policia është në vendngjarje për të hetuar shkaqet e incidentit. Sipas informacioneve paraprake, pronari i apartamentit, një 40-vjeçar, dyshohet se ka vënë flakën në disa vende dhe më pas është larguar nga vendi i ngjarjes. Burime nga policia sugjerojnë se ai mund të ketë probleme të shëndetit mendor. Aktualisht, autoritetet po punojnë për gjetjen e tij pas incidentit.
