Ekspozita për Rrok Zojzin, fotografitë etnografike të Zojzit në Marubi për herë të parë

Për herë të parë, një përzgjedhje e fotografive etnografike të Rrok Zojzit, themeluesit të etnografisë institucionale shqiptare dhe pionier në përdorimin e fotografisë si instrument kërkimor, u publikua përmes një ekspozite në Muzeun Kombëtar të Fotografisë “Marubi” në Shkodër. Këto imazhe dokumentojnë kulturën tradicionale shqiptare, duke përfshirë veshjet, banesat, mjetet e punës, ritualet dhe simbolikat kulturore. Ekspozita është realizuar me mbështetje nga Ministria e Turizmit, Kulturës dhe Sportit, në bashkëpunim me Akademinë e Shkencave të Shqipërisë.