Policia e Fierit ka nisur procedim penal ndaj katër punonjësve të një kompanie për nxjerrjen e naftës, të dyshuar për ndotje të mjedisit. Shtetasit me iniciale Z. T. (59 vjeç), A. Z. (57 vjeç), G. B. (52 vjeç) dhe G. N. (52 vjeç) janë vënë në hetim për mosmarrjen e masave të nevojshme për riparimin e një linje të dëmtuar të tubacionit të naftës.
Si pasojë e mosveprimit të tyre, është shkaktuar ndotje e mjedisit dhe e Lumit Vjosa. Specialistët e Seksionit për Hetimin e Krimeve Ekonomike të DVP Fier kanë referuar materialet në Prokurori, duke çuar në nisjen e procedimeve penale ndaj këtyre individëve.
