Cifti i fotografëve Roland Harizaj dhe Eda Mollaj, nga Vlora dhe me banim në Athinë, ka çelur ekspozitën “Face 202 Face në rrugë” në Galerinë e Artit në Vlorë. Gjatë një ceremonie modeste, ata shpjeguan se ekspozita përfshin 202 portrete të kapura në rrugë. Përmes këtyre fotografive, ata synojnë të sjellin më pranë publikut emocione, histori dhe momente spontane nga jeta e përditshme.
Ky zhanër fotografie, i cili deri para disa vitesh nuk ishte shumë i njohur për publikun shqiptar, po fiton gjithnjë e më shumë vëmendje dhe interes. Ekspozita ka për qëllim të rrisë ndërgjegjësimin mbi rëndësinë e artit fotografik dhe të nxisë një vështrim më të thellë ndaj realitetit shoqëror.
