Pika kufitare e Morinës ka regjistruar një fluks të lartë lëvizjesh gjatë 24 orëve të fundit, duke përpunuar rreth 33 mijë shtetas. Falë marrëveshjes për lëvizjen e lirë, qarkullimi i mjeteve ka vazhduar pa ndalesa, duke shmangur radhët e gjata në kufi.
Sipas të dhënave zyrtare, 17 mijë e 363 shtetas kanë hyrë në Shqipëri përmes Morinës, me 5 mijë e 100 automjete dhe 66 autobusë. Nga ana tjetër, 15 mijë e 704 shtetas kanë dalë, me 4 mijë e 128 automjete.
Shumica e udhëtarëve që hyjnë në Shqipëri kanë si destinacion pushimet, vizitat në qendrat historike dhe zonat kurative, përfshirë llixhat e Elbasanit. Pushuesit nga Kosova luajnë një rol të rëndësishëm në sektorin e turizmit detar në vend.
