Mbrëmjen e kësaj të premteje, besimtarë ortodoksë u mblodhën në Kishën e “Shën Harallambit” në Sarandë për të kremtuar “Premtën e Madhe”. Të shoqëruar nga familjarët, ata morën pjesë në Shërbesën e Vajtimeve, duke ndezur qirinj dhe lutur në këtë ditë që simbolizon vdekjen e Jezu Krishtit.
Gjatë ceremonisë, në orën e caktuar u nxor Epitafi, simbol i varrit të Krishtit, i cili u përcoll me një procesion nëpër rrugët e qytetit. Procesioni ndali në pika të caktuara për lutje, me At Kozmai të Sarandës në krye të tij.
