Qeveria shqiptare ka miratuar një vendim të ri për qëndrimin e shtetasve të Ukrainës në Shqipëri. Sipas njoftimit zyrtar, shtetasit ukrainas do të lejohen të hyjnë pa vizë dhe të qëndrojnë pa leje qëndrimi deri më 30 mars 2027. Ky vendim është i vlefshëm edhe për ata ukrainas që ndodhen aktualisht në Shqipëri, duke u mundësuar atyre të vazhdojnë qëndrimin brenda të njëjtit afat.
Vendimi thekson se “shtetasit e Ukrainës lejohen të hyjnë pa vizë në territorin e Republikës së Shqipërisë dhe të qëndrojnë pa leje qëndrimi deri më 30.3.2027”.
Situata në Ukrainë është e tensionuar, pasi vendi është në luftë me Rusinë që nga shkurt 2022, dhe ende nuk ka një marrëveshje për armëpushim.
