Presidenti i Republikës, Bajram Begaj, priti Gjeneral Luciano Portolano, Shef i Shtabit të Përgjithshëm të Forcave të Armatosura të Republikës së Italisë. Gjatë takimit, Presidenti Begaj theksoi marrëdhëniet e mira dhe partneritetin strategjik mes Shqipërisë dhe Italisë. Ai vlerësoi kontributin e Italisë në procesin e integrimit Euroatlantik të Shqipërisë dhe mbështetje në modernizimin e Forcave të Armatosura shqiptare përmes edukimit dhe trajnimit.
Presidenti vlerësoi gjithashtu bashkëpunimin në kuadër të misioneve ndërkombëtare të NATO-s dhe BE-së, ku trupat shqiptare dhe italiane kanë shërbyer së bashku në operacione në vende si Afganistani, Kosova, Letonia, Bullgaria dhe Bosnje e Hercegovina. Ai shprehu mirënjohje për kontributin e Italisë dhe mbështetje ndaj trupave shqiptare.
Në takimin u theksua rëndësia e misionit KFOR për paqen dhe sigurinë në Kosovë dhe rajon, duke e konsideruar atë si prioritet strategjik për stabilitetin afatgjatë të Ballkanit Perëndimor. Presidenti Begaj shprehu bindjen se bashkëpunimi mes Forcave të Armatosura të Shqipërisë dhe Italisë do të vazhdojë të forcohet në interes të sigurisë, paqes dhe prosperitetit të përbashkët.
