Në kuadër të operacionit të koduar “Alias”, është arrestuar 42-vjeçari A. K., i njohur edhe si A. Ll., në ambientet e një hoteli në Mamurras. Gjatë kontrollit, policia ka gjetur një armë zjarri (pistoletë) me krehër dhe fishekë, si dhe një sasi lënde narkotike të dyshuar si kokainë.
Ky operacion është realizuar nga shërbimet e Komisariatit të Policisë Kurbin në kuadër të një punë operative për identifikimin dhe ndalimin e individëve që cënojnë sigurinë e qytetarëve duke mbajtur armë pa leje. Pas arrestimit, materialet procedurale i janë referuar Prokurorisë së Lezhës për veprime të mëtejshme.
