Barcelona planifikon të dërgojë një ankesë formale në UEFA për arbitraimin e Istvan Kovacs në ndeshjen e parë çerekfinale të Ligës së Kampioneve ndaj Atletico Madrid. Klubi blaugrana shpreh shqetësim të madh për vendimet e gjyqtarit rumun dhe të arbitrave në sallën VAR. Trajneri Hansi Flick shfaqi pakënaqësinë e tij pas ndeshjes, duke vënë në dukje një episod kritik kur Pubil preku topin me dorë brenda zonës së Atletico. Ai pretendon se muste të kishte ndodhur ndërhyrja e VAR, që do të kishte kërkuar ndëshkimin me karton të kuq të mbrojtësit të Atletico dhe akordimin e një penalltie.
Irritimi i Barcelonës përfshin edhe vendimin për kartonin e kuq të Cubarsi, për të cilin arbitri, fillimisht, akordoi vetëm faull dhe karton të verdhë. Pas ndërhyrjes së VAR, vendimi u modificua dhe Cubarsi u ndëshkua me karton të kuq. Një tjetër pikë shqetësimi ështrë kriteret e ndëshkimit të arbitrit. Barcelona beson se Koke duhej të ishte dënuar me karton të kuq për një karton të dytë të verdhë, por Kovacs nuk e shpalli të tillë.
Ky incident nuk është i pari për Barcelonën, e cila kishte dërguar një ankesë formale më parë, pas humbjes 4-0 në gjysmëfinalen e Kupës së Mbretit. Në atë rast, ankesa kishte të bënte me golin e anullluar të Cubarsi pas një verifikimi të gjatë në sistemin VAR.
Klubi, përmes këtyre veprimeve, po kërkon të sigurojë që episodet e arbitrimit të shqyrtohen me seriozitet dhe që të gjithë faktorët të merren në konsideratë në ndeshjet e ardhshme. Kjo ka bërë që tensionet të rriten mes drejtuesve të Barcelonës dhe autoriteteve të arbitrimit, duke krijuar një atmosferë të nderë në futbollin evropian.
