Dy gra kanë humbur jetën në Vlorë këtë të hënë, në dy raste të ndara vetëhedhjeje. Ngjarja e parë ndodhi rreth orës 05:10, në lagjen “Kushtrimi”, ku shtetasja B. L., 62 vjeçe, u gjet pa shenja jete në rrugë nga shërbimet e urgjencës mjekësore. Sipas informacioneve paraprake, ajo dyshohet se është hedhur nga kati i tretë i banesës së saj.
Në një rast tjetër, rreth orës 08:10, në zonën e quajtur “Kulla Fegaj” në Transballkanikë, shtetësja Dh. M., 78 vjeçe, dyshohet se ka rënë nga ballkoni i katit të dytë të banesës së saj. Ajo u transportua menjëherë në Spitalin Rajonal të Vlorës, ku ndërroi jetë. Të dyja gratë dyshohet se vuajnë nga probleme të shëndetit mendor, çka mund të ketë kontribuar në vendimet e tyre tragjike.
Këto ngjarje tragjike theksojnë nevojën për vëmendje më të madhe ndaj shëndetit mendor dhe mbështetje për individët që përballen me sfida të tilla në jetën e përditshme. Policisë së Vlorës po i vazhdon hetimet për të zbardhur më tej rrethanat që çuan në këto vetëvrasje.
