Një 44-vjeçar shqiptar është arrestuar nga policia italiane për transport të 7 kilogramëve kokainë të pastër, e cila ishte e ndarë në 14 pako dhe e fshehur në një çantë shpine. Droga ishte e destinuar për shpërndarje gjatë festimeve të fundjavës dhe vlerësohet se mund të sillte qindra mijëra euro fitim.
Arrestimi ndodhi gjatë një kontrolli rutinë rrugor në zonën San Trovaso, në komunën e Preganziolit. I arrestuari, që ishte në Itali ilegalisht dhe pa vendbanim të përhershëm, shfaqi nervozizëm dhe ofroi përgjigje kontradiktore, duke nxitur vëmendjen e policisë. Gjatë kontrollit të automjetit, policia zbuloi çantën me drogë midis sediljeve të përparme dhe të pasme.
Sipas hetuesve, sasia e drogës ishte e planifikuar për tregun e Trevosos dhe zonave përreth për festat e fundjavës. Përveç kokainës, policia konfiskoi edhe celularin e të arrestuarit, që mund të ndihmojë në identifikimin e furnizuesve dhe klientëve të tij. Në këtë mënyrë, hetimet pritet të vazhdojnë për të zbuluar rrjetin e tregtisë së drogës në këtë zonë.
