Mateo Borri ka ndarë detaje nga marrëdhënia e tij me Brikena Selmanin në “Big Brother VIP 5”, ku ka treguar se njihen prej katër vitesh. Gjatë kësaj kohe, ata kanë shkruar mes tyre dhe janë takuar, por ndarja e tyre erdhi për arsye madhore. Mateo përmendi se daja i Brikenës kishte pasur një rol në këtë ndarje.
Sot, një surprizë emocionuese ka mbërritur në shtëpinë e “Big Brother VIP 5” për Brikenën. Një parashutë e zbukuruar me një fotografi të saj nga fëmijëria, ku ajo shfaqet me gjyshen, ka emocionuar banoren e shfaqjes. Mesazhi ka ardhur nga daja i saj, i cili e inkurajon Brikenën duke thënë: “Brikena, e ke dajën pas teje gjithmonë. Do e pimë kafen bashkë me Mateo kur të fitojmë. Daja të do shumë”.
Surpriza ka sjellë gëzim të madh për Mateo dhe Brikenën, duke u bërë një moment i veçantë dhe emocional për ta brenda shtëpisë së reality show-t.
