Rreth orës 15:30, në poliklinikën e Kamzës ka ardhur për mjekim shtetasja E. L., e cila është rreth 30 vjeçare. Një grup hetimor ka mbërritur menjëherë në vendngjarje për të zbardhur rrethanat dhe për të identifikuar autorin e incidentit.
Si rezultat i hetimeve, është identifikuar dhe shoqëruar në Komisariat shtetasi N. Sh., rreth 73 vjeç, banues në Laknas, për veprime të metejshme proceduriale. Dyshohet se 73-vjeçari ka qëlluar me armë gjahu për të larguar një kafshë dhe, si pasojë, ka plaga E. L. në faqe me një saçmë gjahu, teksa ajo ndodhej në oborrin e banesës së xhaxhait të saj, gjithashtu në Laknas.
Pas marrjes së trajtimit mjekësor, 30-vjeçarja ka kaluar në banesë. Hetimet për dokumentimin e plotë të rastit vijojnë.
