BBC, në bashkëpunim me Mediazona dhe një grup vullnetarësh, ka publikuar emrat e 207,552 ushtarëve rusë të vrarë gjatë luftës në Ukrainë. Mediazona, e regjistruar si “agjent i huaj” nga autoritetet ruse, ka luajtur një rol të rëndësishëm në grumbullimin dhe verifikimin e të dhënave.
Sipas raportit, 57% e ushtarëve të vrarë janë vullnetarë, rekrutë dhe të dënuar nga kolonitë penale, të cilët nuk kishin lidhje me ushtrinë para se të shkonin në frontin ukrainas. Gjatë këtij konflikti, janë regjistruar 19,583 ushtarë rusë të moshës deri në 25 vjeç që humbën jetën, me ushtarët më të rinj të identifikuar në moshën 18 vjeç e 31 ditë.
Aktualisht, vetëm 11% e të vrarëve përfshijnë individë të moshës 18 deri në 35 vjeç, ndërsa shumica e ushtarëve të identifikuar që kanë humbur jetën janë midis 36 dhe 45 vjeç. Ky raport ofron një pamje të hollësishme të humbjeve që po përjeton Rusia në këtë konflikt të vazhdueshëm, i cili ka shkaktuar viktima të shumta për të dyja palët.
