Policia e Shijakut ka realizuar një operacion të rëndësishëm në kuadër të luftës kundër aktiviteteve kriminale, duke sekuestruar një sasi të konsiderueshme armësh dhe narkotikësh brenda një banese. Nga kontrolli i kryer në një banesë, u zbuluan 2 armë zjarri pistoletë, 3 armë gjahu, municon luftarak, armë të ftohta dhe një sasi kokaine. Shtetasi Sh.V., 59 vjeç, u arrestua në flagrancë nën akuzat për “Trafikimin e armëve dhe municionit”, “Mbajtja pa leje dhe prodhimi i armëve”, si dhe “Prodhimi dhe shitja e narkotikëve”.
Ky operacion, i koduar “River”, u realizua nga specialistët për Hetimin e Narkotikëve të DVP Durrës, në bashkëpunim me Komisariatin e Policisë Shijak, pas marrjes së informacionit në rrugë operative. Gjatë kontrollit, u sekuestruan gjithashtu 24 doza kokaine, një peshoare elektronike, 3 palë dylbi dhe 6 celularë.
Policia vazhdon hetimet ndaj Sh.V., duke punuar për dokumentimin e plotë të veprimtarisë së tij kriminale dhe për identifikimin e Individëve të tjerë që mund të jenë të përfshirë. Materialet nga ky rast i janë referuar Prokurorisë së Durrësit për procedura të mëtejshme.
