Irani pritet të japë përgjigjen e tij ndaj propozimit amerikan për paqe, i cili ka si qëllim përfundimin e luftës në Lindjen e Mesme. Sipas raportimeve nga Reuters, Presidenti amerikan Donald Trump dhe zyrtarët e lartë të Shtëpisë së Bardhë, janë informuar se përgjigjja e Iranit mund të vijë këtë të premte, përmes ndërmjetësve.
Lufta, e cila filloi pas sulmeve të SHBA-së dhe Izraelit ndaj Iranit më 28 shkurt, është përhapur në të gjithë rajonin e Lindjes së Mesme. Propozimi 15 pikësh, i dërguar përmes Pakistanit, përfshin kërkesa të tilla si çmontimi i programit bërthamor të Iranit, kufizimi i zhvillimit të raketave dhe dorëzimi i kontrollit mbi ngushticën e Hormuzit.
Një zyrtar iranian tha për Reuters se zyrtarët e lartë kishin shqyrtuar propozimin, por e konsideronin atë të orientuar vetëm në interesat amerikane dhe izraelite. Megjithatë, ai theksoi se procesi diplomatik vazhdon.
