Në premierën e sezonit të tretë të emisionit “Flet me Ilnisa Agolli”, Kryegjyshi Botëror i Bektashinjve, Haxhi Dede Edmon Brahimaj, ka shprehur mendimet e tij mbi situatën aktuale në Shqipëri. Në një bisedë të hapur, Baba Mondi theksoi se themelet e një kombi, si prona dhe fiset, janë të rrezikuara në realitetin shqiptar.
Ai theksoi se qytetarët e zakonshëm nuk mbajnë përgjegjësi për situatën e krijuar, pasi ata ndjekin ligjet e përcaktuara nga lidershipi politik. Sipas tij, udhëheqësit kanë dështuar në drejtimin e vendit dhe në krijimin e një ambienti të përshtatshëm për popullin. “Njerëzit i ndjekin ligjet, por nëse ato nuk i përgjigjen atyre, nuk është faji i tyre,” shpjegoi ai.
Baba Mondi gjithashtu ka folur për rrezikun e radikalizimit fetar, duke theksuar se kërcënimet nuk vijnë nga faktorë të jashtëm, por nga devijimet brenda shoqërisë. Ai nënvizoi se udhëheqësit fetarë kanë një përgjegjësi të madhe për të interpretuar librat e shenjtë në mënyrë të saktë, duke nxitur mesazhe dashurie dhe jo përçarjeje mes besimtarëve. “Secili do të japë llogari para Zotit, jo para meje. Nuk kemi të drejtë të gjykojmë ne njerëzit,” tha ai.
Një nga mesazhet më të forta të Baba Mondit ishte lidhja midis fesë dhe politikës. Ai paralajmëroi se nëse feja përzihet me politikën dhe paranë, ajo humbet thelbin shpirtëror dhe shndërrohet në një instrument pushteti. “Nëse feja ngatërrohet me politikën dhe me paranë, nuk është më fe, por pushtet,” përfundoi ai.
Këto deklarata jepin një pasqyrë të qartë të mendimeve të Kryegjyshtit mbi sfidat me të cilat përballet shoqëria shqiptare dhe rëndësinë e një lidershipi të këqyrur në fushën e besimit dhe politikes.
