Në vitin 2029, ceremonia e Çmimeve Oscar do të zhvendoset nga Teatri Dolby në Teatrin Peacock, i cili ndodhet në kompleksin LA LIVE në Los Angeles. Ky teatër, që ka shërbyer si vend për Çmimet Primetime Emmy që nga viti 2008, do të presë për herë të parë Oscarët në kuadër të një marrëveshjeje 10-vjeçare mes Akademisë së Arteve dhe Shkencave të Filmit dhe AEG.
Ceremonia e vitit 2029, e 101-ta në historinë e Akademisë, do të jetë gjithashtu e para që do të transmetohet në YouTube, pas një marrëveshjeje të veçantë të arritur në fund të vitit të kaluar.
AEG do të realizojë përmirësime të mëdha në Teatrin Peacock, duke përfshirë renovimin e skenës dhe sistemeve të zërit dhe ndriçimit, si dhe rinovimin e hapësirave prapa skenës dhe zonave të pritjes, për ta bërë atë të përshtatshëm për nevojat e ceremonisë së Oscarëve.
Drejtori Ekzekutiv i Akademisë, Bill Kramer, së bashku me Presidenten Lynette Howell Taylor, shprehen entuziazmin për këtë bashkëpunim me AEG, duke theksuar se LA LIVE do të bëhet vendi ideal për festimin global të kinemasë. Po ashtu, Drejtori Kryesor i të Ardhurave të AEG, Todd Goldstein, theksoi se ky projekt do të ripërcaktojë përvojën që ofron ceremonia e Oscarëve, duke krijuar një ambient që nderon kreativitetin dhe përsosmërinë në artin e filmit.
Kjo ndodhi shënon një ndryshim të rëndësishëm për historinë e gjatë të Çmimeve Oscar dhe pritet të ofrojë një eksperiencë të re dhe novative për audiencën globale që ndjek këto çmime prestigjioze.
