UEFA ka shpallur datat e ndeshjeve gjysmëfinale të Ligës së Kampioneve, edhe para se të zhvillohen ndeshjet çerekfinale. Sfidat gjysmëfinale do të luhen në dy periudha: 28-29 prill dhe 5-6 maj.
Në datën 28 prill, do të zhvillohet ndeshja mes fitueses së çiftit Paris Saint Germain/Liverpool dhe fitueses së Real Madrid/Bayern Mynih. Një ditë më vonë, më 29 prill, do të ndeshen fituesit e çiftit Barcelona/Atletico Madrid me ata të Sportingut të Lisbonës/Arsenal.
Ndeshjet e kthimit janë programuar për 5 dhe 6 maj. Më 5 maj, sfida do të jetë mes fituesve të Barcelona/Atletico dhe Sporting/Arsenal, ndërsa më 6 maj do të luhet ndeshja e kthimit mes fituesve të PSG/Liverpool dhe Real Madrid/Bayern.
Finalja e madhe e Ligës së Kampioneve do të zhvillohet më 30 maj në Budapest, duke nisur në orën 18:00, pas përfundimit të finales së Europa dhe Conference League.
