Austria ka vendosur të ndalojë përdorimin e mediave sociale për fëmijët nën 14 vjeç, pas negociatave të gjata në kuadër të qeverisë së koalicionit midis të majtës, të djathtës dhe liberalëve. Zëvendëskancelari socialdemokrat, Andreas Bäbler, theksoi se prindërit hasin vështirësi në kontrollimin e kohës që fëmijët kalojnë në këto platforma, të cilat shpesh krijojnë varësi.
Pjesë e planit të qeverisë është introduktimi i një lënde të re në kurrikulat shkollore, e titulluar “Media dhe Demokracia”, që do të ndihmojë nxënësit të dallojnë realitetin nga trillimi dhe të identifikojnë përpjekjet jodemokratike për ndikim. Projektligji për këtë lëndë pritet të dorëzohet deri në qershor.
Kjo iniciativë e Austrisë bashkohet me përpjekjet e disa vendeve të tjera të Bashkimit Evropian, si Franca, Spanja dhe Danimarka, të cilat kanë njoftuar qëllimin e tyre për të vendosur kufizime moshe në përdorimin e mediave sociale. Disa vende të tjera po shqyrtojnë gjithashtu mundësinë e veprimeve të ngjashme, duke treguar se shqetësimet mbi përdorimin e mediave sociale nga fëmijët janë bërë një çështje e rëndësishme në nivel europian.
Këto masa synojnë të mbrojnë fëmijët nga rreziqet e mundshme që lidhen me përdorimin e tepruar të mediave sociale dhe të forcojnë edukimin rreth mediave dhe demokracisë në shkolla.
