Sinoptikania nga Shërbimi Meteorologjik Ushtarak, Elida Maloçali, ka paraqitur në një lidhje direkte për Top Channel, prognozën e motit për ditët në vijim. Ajo njoftoi se dita e diel do të jetë e karakterizuar nga mot i qëndrueshëm, ndërsa fillimi i muajit prill pritet të sjellë sërish reshje shiu.
Në vazhdim, Maloçali theksoi se fundjava do të jetë me vranësira alternative, me prezencë shiu në shumicën e territorit, duke përfshirë shtrëngata të shkurtra. Në zonat malore, parashikohen reshje bore me intensitet të ulët dhe mesatar. Sipas saj, pritet një përmirësim i motit të dielën dhe gjatë javës që vjen.
Megjithatë, rikthimi i reshjeve të shiut do të ndodhë në fillim të muajit, duke shoqëruar gjithashtu rikthimin e borës në relievet malore.
