Shërbimet e Komisariatit të Policisë Nr. 3 realizuan me sukses kapjen e shtetasit të kërkuar S. Rr., 23 vjeç, nga Tiranë, pas një pune intensive dhe bazuar në informacionet e siguruara në rrugë operative. Ky individ ishte shpallur në kërkim si pjesë e operacionit të koduar “Fast Reaction”.
S. Rr. dyshohet se më 24.06.2025, gjatë një konflikti për motive të dobëta, së bashku me vëllanë e tij, E. Rr. (i cili gjithashtu është në kërkim), ka goditur me qytën e pistoletës dhe ka qëlluar me armë zjarri ndaj shtetasve Y. C. dhe O. C. (vëllezër), pa i shkaktuar dëmtime.
Materialet procedurale lidhur me këtë rast janë referuar Prokurorisë për veprime të mëtjshme.
